* دانت میں کیڑے لگ جائیں جن کی وجہ سے دانت میں درد شدید ہو تو ہینگ کو اس مقام پر رکھنے اور لگا دینے سے درد میں فوری سکون ہوجاتا ہے اور کیڑے بھی دفع ہوجاتے ہیں۔
* بائے بڑنگ ڈیڑھ تولہ کو سرخ کپڑے میں پوٹلی باندھ کر تھوڑے پانی میں جوش دے کر کلی کریں اور پوٹلی کو دانت کی جڑ میں دبائیں اس سے کیڑے نکل جاتے ہیں او ر دانت کا درد بھی جاتا رہتا ہے۔
* کٹائی (کٹیلا) کے پورے پودے کو جڑ سے اکھاڑ لیں پھر اسے ٹکڑے ٹکڑے کرکے تھوڑے پانی میں جوش دیں اس پانی سے کلی کرنا دانت کے درد اور دانت کے کیڑوں کو دور کرنے کے لئے نافع ہے۔
* درخت ببول کی چھال کو ریزہ ریزہ کرکے پانی میں جوش دے کر کلی کریں اس سے دانت کے کیڑے باہر آجاتے ہیں اور دانت کے درد میں سکون آجاتا ہے۔
* گندھک کو سرکہ میں حل کرکے اس میں روئی لتھیڑ کر اس دانت پر رکھیں جس میں کیڑے ہوں اس سے دانت کے کیڑے باہر آجاتے ہیں اور دانت کا درد جاتا رہتا ہے۔