٭        ڈبہ اطفال میں لہسن کے ایک جوے کو موم بتی کے شعلہ میں جلا کر ماں کے دودھ میں حل کرکے پلانا بہت مفید ہے اگر تین چار مہینے کا بچہ ہے تو ایک جوہ کا چوتھائی حصہ دیا جائے اور اگر ایک سال کی عمر ہے تو ایک جوہ دیں چند بار استعمال کرایا جائے۔
٭        روغن تارپین ایک تولہ میں کافور دو ماشہ حل کرکے بچے کے سینہ پر مالش کریں۔
٭        ملٹھی اور السی ہر ایک ایک ماشہ تھوڑے پانی میں جوش دے کر چھان لیں اور شہد سے میٹھا کرکے بچے کو تھوڑا تھوڑا پلائیں۔
٭        کریلہ کے تازہ پتوں کا پانی نچوڑ کر آگ پر پانی کو پھاڑ لیں، اس پانی میں تھوڑا نمک سانبھر ملا کر شیر خوار بچے کو ایک چمچی پلائیں اور ایک سال سے بڑے بچوں کو دو چمچی دیں۔
٭        ایلوا چار رتی لے کر ماں کے دودھ میں حل کرکے بچے کو پلائیں اور اسی چیز کو بچے کے سینے پر مالش کرکے اس کے اوپر پان کے پتے رکھ کر باندھیں۔