طبیب کی تعریف

حدیث میں طبیب کا لفظ ہر ایسے شخص کو شامل ہے جو نسخہ لکھے یا علاج بتلائے جسے فریشین کہتے ہیں۔ اور جو سلائی سے آنکھ کا علاج کرے اسے کحال کہتے ہیں۔ جو نشتر و چاقو اور مرہم کے ذریعہ علاج کرے اسے جراح کہتے ہیں۔ اور استرے کا استعمال کرے تو اسے خاتن کہتے ہیں۔ جو ریزر کا استعمال کرے اسے فاصد کہتے ہیں۔ اور جو سینگی کا استعمال کرے اسے حجام کہتے ہیں۔ اور جو ہڈی بٹھاتا اسے جوڑتا اور پٹی باندھتا ہے اسے مجبر کہتے ہیں۔ جو داغنے کا آلہ یا آگ کا استعمال کرتا ہے اسے کواءکہتے ہیں اور جو ڑوش کے ذریعہ علاج کرتا ہے اسے حاقن کہتے ہیں۔ خواہ یہ طبیب جانوروں کا ہو یا انسانوں کا ہو غرض طبیب کا اطلاق ان سب پیشوں کے کرنے والوں پر یکساں ہوتا ہے، جیسا کہ اسکا ذکر پہلے آچکا ہے اور اس دور میں جو بعض مخصوص کام کرنے والوں کو ہی طبیب کہتے ہیں تو یہ اس دور کی اصطلاح ہے جیسے کسی عادت کا کسی خاص قوم سے تعلق ہوتا ہے۔